Pourquoy painct on la belle Cytherée,
En Poesie, au visaige riant ?
Pourquoy painct on son Imaige dorée,
Et son regard attractif et friant ?
A aultre fin son veis n’est soubzriant,
Fors d’esmouvoir le cueur des amoureux.
Friant elle a l’oeil, et non rigoureux,
Pour enflammer celuy qui la regarde.
Dorée elle est, car pour plus estre heureux
Au jeu d’amours, il fault que l’or on garde.